Ang COVID-19 ay bagong uri ng sakit. Sa ngayon, limitado ang ating kaalaman tungkol sa epekto ng COVID-19 sa mga may pre-existing condition at kung nakadaragdag ang mga ito sa tsansang magkaroon sila ng malalang sakit mula sa COVID-19.

Ayon sa CDC, ipinapakita ng datos na ang mga indibidwal kahit anong edad na may mga sumusunod na pre-existing condition ay tinuturing na high risk para sa malalang sakit dulot ng COVID-19:

• Cancer
• Chronic kidney disease
• Chronic obstructive pulmonary disease (COPD)
• Immunocompromised state (weakened immune system) mula sa solid organ transplant
• Obesity (Body Mass Index na 30 o higit pa)
• Heart conditions, tulad ng heart failure, coronary artery disease, or cardiomyopathies
• Sickle cell disease
• Type 2 diabetes mellitus

Habang kumakalap pa tayo ng impormasyon tungkol sa COVID-19, may iba pang mga pre-existing condition na nakadaragdag sa tsansang magkaroon ng malalang sakit mula sa COVID-19.

Ang mga taong may mga sumusunod na pre-existing condition ay maaaring ituring na high risk para sa malalang sakit mula sa COVID-19:

• asthma (mula sa katamtaman hanggang sa malalang hika)
• cerebrovascular disease (naaapektuhan ang mga blood vessel at suplay ng dugo sa utak)
• cystic fibrosis
• hypertension or high blood pressure
• immunocompromised state (mahinang immune system) mula sa blood o bone marrow transplant
• immune deficiencies
• HIV
• paggamit ng corticosteroids o iba pang gamot na nakapanghihina ng immune system
• neurologic conditions, tulad ng dementia
• liver disease
• pregnancy
• pulmonary fibrosis (pagkakaroon ng damaged o scarred na mga lung tissue)
• smoking
• thalassemia (isang uri ng blood disorder)
• Type 1 diabetes mellitus

Ang mga karagdagang datos ay nagsasaad na ang mga nakalistang pre-existing condition sa mga bata ay nakadaragdag din sa pagiging high risk.

Ang mga kabataan na may pre-existing condition ay napatunayang high risk na magkaroon ng malalang sintomas mula sa COVID-19 kaysa mga kabataang walang mga pre-existing condition. Ang mga batang may kondisyon na neurologic, genetic, at metabolic, o may congenital heart disease, ay high risk na magkaroon ng malalang sakit mula sa COVID-19.

Kung mayroon kayong mga pre-existing condition na nakalista sa itaas, hindi ito dapat ikatakot. Hinihimok kayong sumangguni sa inyong doktor o healthcare provider tungkol sa mga panganib na dala ng inyong mga pre-existing condition, para makagawa kayo ng mga desisyon base sa tamang impormasyon na makatutulong sa inyong makaiwas sa COVID-19.

Ang inyong doktor o healthcare provider ay nakatutok sa mga pag-aaral mula sa CDC at iba pang mapagkakatiwalaang ahensya upang mabigyan kayo ng tamang impormasyon at pag-aaruga ayon sa inyong mga pangangailangan.

Source: CDC